Аймшгийн кино(Saw, Dead Silence, Stygian)-ны зохиолч, найруулагч гэдгээрээ алдаршсан James Wan-ын хамгийн сүүлд найруулсан Insidious аймшгийн киног R5 бичлэгтэйгээр хүргэж байна. Хэдийгээр нээлт нь 2010 онд хийгдэж байсан ч АНУ-д энэ оны 4-р сарын 1-нд нээлтээ хийж, ашиг орлогоороо энэ долоо хоногт Boxoffice-т $334,730-р 10-р байранд жагсаж, нийт $45,620,236-ын ашиг олж, нилээд хит болж байгаа кино юм. Миний хувьд ч гэсэн энэхүү киног үзээд, уулга алдсан гэж хэлж болно. Миний бие өмнө нь хэзээ ч аймшгийн киног ийм сонирхолтой байдаг гэж боддоггүй байсан ч энэ киног үзээд, хэдийгээр айж байсан ч кинондоо хэт 'орж' үзлээ. Мэдээж бага зэргийн фантазиг эс тооцвол шүү дээ.
Кинонд: Josh болон Renai нар 3 хүүхдийн хамт ямар нэгэн зовлонгүй сайхан гэр бүл бөгөөд шинэ байранд нүүж ирж байгаагаар кино эхлэх болно. Тун удалгүй гэрт бага багаар хачин жигтэй үйл явдлууд гарч эхлэх бөгөөд нэгэн шөнө Dalton хүү нь үл мэдэгдэх байдлаар сэрэхгүйгээр гүн нойрондоо автах болно. Бага охин нь гэнэт уйлах, гэрт нь хүн явах гээд л айдас хүргэм үйл явдлуудаас болоод Renai, Josh нар дахин нүүх боловч байдал дахин үргэлжлэх болно. Гэхдээ энэ бол дөнгөж эхлэл байлаа. Шинэ байранд нь өмнөхөөсөө илүү олон удаа мөн маш хачин явдлууд гарснаас болж буг чөтгөр судалдаг хүмүүсийг дуудах болно. Харин тэдний хэлснээр Dalton хүүгийн биед хамгийн хүчтэй буг шингэсэн байх бөгөөд тэрхүү чөтгөрөөс Dalton хүүг аврах цорын ганц зам бол түүний эцэг байлаа. Учир нь хүүгийн эцэг Josh-ын биед ч мөн адил багад нь буг шингэсэн гэдгийг ээж нь хэлснээр буг чөтгөр, сүнсний ертөнцөөр явж хүүгээ аврах аймшигт даалгавар түүнд ноогдоно.